Nouvo MNA Anse aux Pins, Meggy Marie, in sermante Mardi le 14 Out dan Lasanble Nasyonal. Meggy, in prouv ek lopozisyon ki lo son ros zot pa monte e in prouv ek Parti Lepep ki in annan sa kapasite pour protez bastyon Parti.
Parti Lepep letan in kanpanny dan sa eleksyon, in reisi war serten defi ki merit ganny adrese, e zisteman li osi i pe servi sa eleksyon koman mwayen pour teste son sistenm pour fer sir i ranforsi son lafors, e pli enportan ki i adres konsern ki zabitan in met devan.
Onorab Meggy in donn son parol pour adres sa bann konsern, e anbelir sa ki byen pour zabitan e distrik.
