The People Online

  • Increase font size
  • Default font size
  • Decrease font size
Home

Pye Bodanmyen

  • The Jj Spirit Foundation en vre kosmar pour SW?: Si sa batiman pa ti en boubou akoz ki Seychelles Weekly pe konstanman ekrir lo la? Ki sa ki fermal avek Seychelles Weekly a sak fwa ki zot get sa batiman? Oli mouvman zenn DP?
    Pa zot ti fer en gran lafanfar ler zot ti swadizan form zot Young democrats le 12 Novanm 2005 dan Le Surmer? Letan zot koz bokou lo ‘let the people know’, fer konnen piblik ki DP pe fer pour son bann zenn olye pas letan vey sa ki pa konsern zot. Prezidan Michel pa fors okenn zenn zwenn Fondasyon li – NAPA okenn lalwa marsyal ki mars avek sa  - zotmenm zot in dir ki napa okenn lalwa pour vin en manm alors ki zot problenm?
    Les bann zenn ki anvi progrese dan lavi trankil. Iparet ki larzan i fer editer Seychelles Weekly ganny kosmar aswar oubyen Jj Spirit pe fatig li tro bokou ki i bezwen ekrir keksoz sak fwa i mazinen.
  • I annan dimoun ris dan prizon Gili : Gili dir lepep lekel ki ou apel dimoun ris – nou ti a kontan konnen akoz dapre ou lartik napa dimoun ris dan prizon.
    En prizon i pour tou dimoun ki fer keksoz kont lalwa e ou konn tre byen ki dan tou pei, sak gouvernman i annan son norm. Eski larises i ekri lo figir en imen?
    Dir nou lekel sa bann ris e ‘powerful’ ki ou konnen i devret al prizon, me ki gouvernman pe les zot larg. Mon asire lepep Seselwa antye ti a kontan konnen. Eski i annan ou dalon ki dan prizon ki pe fer ou pran lakoler avek gouvernman lepep?
  • Met Seselwa premye: Depi ki SPUP ti formen Seselwa ti premye. Seselwa in ganny dignite, in ganny son plas dan tou sekter nou lekonomi, in ganny rekonnet partou enkli ou osi Wavel. Eski ou’n bliye ki ou ti en lider? Si ou pa ti ganny rekonnet eski ou ti pou’n zouir ou lanfans ek ou moman laglwar dan sa Sesel?
    Ki ou a pe koz met Seselwa premye kan ou osi ou servi etranze ler ou dan bezwen? Konbyen ou frer ek ser Seselwa ki ou’n rezete pandan ou moman laglwar? Eski ou ti met zot premye ler zot ti mont Arpan Ver pour vin rod en pti led? Si ou ti met Seselwa premye akoz ki ou prop siporter pe degrengole enn par enn? Lepep pe note.