Dimans le 2 Zen zour laniverser nou Parti, striktir Cascade ti zwenn 10.30 bomaten dan Sant Kominoter pour en moman refleksyon. Animasyon ti dir pour enn erdtan e ti annan en bon 80 partisipan.
Zot ti diskit lo bann valer ek prensip ki’n gard zot ansanm koman en Parti pandan tou sa 50an. Apre sesyon bann partisipan ti byen satisfe avek sa ki ti’n ganny diskite e zot ti konklir avek sa santiman ki zot pou redouble zot zefor e determinasyon pour volonterman kontinnyen milit pour nou Parti pour anmenn en pli bon lavenir pour nou zanfan.
Se bokou sakrifis ki nou bann militan i fer pour gard sa linite, sa disiplin e sa perseverans pour gard nou ansanm, se sa bann valer ki Parti i bezwen.
Fodre pa nou oubliye ki serten dimoun i kapab vin zwe avek sa bann valer e prensip nou Parti e se la kot nou bezwen reste touzour vizilan.
Striktir in eksprim lenportans ledikasyon politik pour nou bann manm sirtou nou bann zenn pour zot konpran sa bon valer e prensip pli byen pour garanti sa kontinite.
Zot in osi eksprim santiman atraver bann sanson, kouler nou Parti e osi bann souvenir ki anmenn nou ansanm ki fer nou gard valer sa linite.
