Home_Right determinen-banner2

Susbscribe to People

Minis pour Zafer Entern, Madanm Mitcy Larue ti tyer en Miting Ekstraordiner bann zofisye sinyor sorti dan diferan departman e lazans son minister kot i ti lans en lapel pour egksers zot travay avek latransparans, bonn gouvernans e rann kont lo en bon servis anver manm piblik.

Sa senkantenn zofisye sinyor sorti dan Departman Lapolis, Departman Imigrasyon , Servis Prizon, e Servis Tenny Dife e Sovtaz Dirzans ti rankontre pour en lazournen kot zot ti prezant zot rapor anyel 2016 ki ti baze lo zot travay, bann defi, e osi bann sikse ki zot in fer atraver servis ki zot in donnen e bann nouvo proze ki’n ganny entrodwir pandan 2016.
 “Ozordi mon la devan medya ek piblik Seselwa ansanm avek mon bann sef ekzekitiv pour diferan departman ou lazans ki tonm anba mon minister pour elabor lo travay ki’n ganny fer e pou kontinyen pandan lannen 2017. Mon vizyon se annan en lafors profesyonel disiplinen ki annan respe e ki ganny respekte par popilasyon, » Minis Larue ti dir.
Minis Larue ti dir ki fodre kree en lanvironnman ki sen e sof  e an sekirite pour nou popilasyon e osi protez lavi e propriyete nou pep.  Tou bann departman i fodre perform dapre zot manda ki ganny dirize par lalwa e  ranforsi lalwa pour enstil disiplin  o nivo lapopilasyon.
“Depi ki mon pran sa portfolyo  an sarz Minister Zafer Entern , mon’n fer li mon devwar pour vizit tou bann departman e zwenn avek bann travayer pour pli byen konpran travay ki pe ganny fer, osi get bann lenfrastriktir aktyel pour war sitiasyon dan ki nou travayer pe travay.Mon’n apresye bann bon travay ki pe ganny fer, me mon’n osi kapab konstat bann febles ki nou bezwen adrese”, Minis Larue ti dir.
Minis Larue ti rekonnet travay nou annan bann profesyonnel ki kalifye e devoue e ki pe fer tou pour promot sa bon limaz zot departman e donn sa servis profesyonel ki popilasyon i ekspekte.
Minis Larue in osi pran en lapros travay ansanm dan partisipasyon e devouman kolektiv.  
Minister Zafer Entern in fer son ‘management meeting’ avek tou sef ekzekitiv bann diferan departman e lazans i ganny fer de fwa par mwan kot zot diskit e pran bann desizyon enportan an term nouvo polisi ki nou bezwen met an plas.
Minis Larue ti osi eksplik bann lalwa egzistan i bezwen ganny revwar an linny avek bann konsern piblik ki  bezwen rod en solisyon e lezot desizyon irzan e enportan ki pou ed sa minister donn en meyer servis a lekpekstasyon tou sitwayen.
Tel lapros ya  ede anmenn sa prensip bon gouvernans, transparans  e rann kont.   An retour nwa ganny kontribisyon tou dimoun avek bi pour zot pran ownership sa bann desizyon pour son lenplimantasyon.
Koman Minis Zafer Entern, Madanm Larue in  osi fer bann vizit organize e rankont ek staf dan bann diferan departman e lazans son minister e kot apre, en plan daksyon i ganny met an plas ansanm ek en ‘time frame’ pour kapab rezourd bann konsern kin ganny souleve.  Progre lo plan daksyon i ganny soumet e diskite o nivo management pour lenformasyon.
Minis Larue ti osi ekslpik bann zournalis pandan  en  koneferans  lapres apre sa miting, ki en plan  kominikasyon pour medya  in  ganny etablir e ki pour kapab pas lenformasyon avek piblik e donn leksplikasyon.
Progranm reform pour Prizon, ki  en travay entansif in konmanse e kontinyel.
Minis Larue i  rankontre manm piblik enkli staf, tou le Vandredi 7.30 bomaten a 1er apremidi. Manm piblik i kapab telefonn son biro lo 4324442 pour met en randevou pour war li.

Menu