Home_Right

Susbscribe to People

Ki fason ki LDS pou zistifye saler 100 mil roupi?

LDS i koz gro labous lo latransparans menm si zot zis koze me zot pa pratike. La ki nou tande ki bann parti politik pe ganny odit par Komisyon Eleksyon, nou tya kontan konnen si SNP pou ganny odite, an vi ki i en parti politik. LDS i annan li an se moman 3 parti politik e zot merit ganny odit.

Sa let ansyen trezorye SNP ya bezwen ganny servi pandan lodit.
LDS osi pou bezwen rann kont sa bann gro saler ki serten zot pe ganyen, dapre konpran i annan ki total 100 mil roupi.
Pa kapab zis parti politik ki dan gouvernman ki merit ganny odite, oswa rann kont. Pa zis bann endividi dan gouvernman oswa dan Parti Lepep ki merit reponn kestyon me osi bann ki dan lopozisyon.
Pa akoz FPAC par egzanp, pa pou kriy enn ant zot pour reponn kestyon ki i vedir ki zot napa kestyon pour reponn.Pa akoz personn lo kote Parti Lepep pankor anmenn okenn kes kont personn dan lopozisyon, pa vedir ki zot napa personn ki annan kestyon pour reponn Komisyon Anti-Koripsyon.
Nou kontinyen dir e repete, pa akoz zot koz gro lavwa e esey fer zot oponan per, ki lopozisyon oswa LDS i annan zis sen e dimoun ki parfe.
Antouka si Bondye ti sanz son aswar pour lizour, en ta keksoz nou tya war arive dan lopozisyon e nou asire ya sok nou.
Pandan 2an Parti Lepep ek son bann dimoun in sibir LDS. Zot in anvoy ros ek labou lo bokou dimoun, menm dimoun’n ki’n dedye zot lavi pour travay pour sa pei. Parti Lepep in reste trankil e les zot. Me nou senserman krwar ki en zour, divan pou sanz kote. I pou vant en kou dan lopozisyon. Ler sa gro divan vann swet pou soufle dan LDS nou espere ki zot ava annan kouraz parey nou  tyonbo pour for e pa les zot drive oswa ale dan divan.

Menu