Home_Right determinen-banner2

Susbscribe to People

Ser editer,
Dan lepase mon’n personnelman lir dan zot zournal e antann lopozisyon koz kont later konble. Zot ti dir ki gouvernman pe gaspiy larzan Leta.

 

Me ozordi zour pour zot kontinyen ganny larzan lo ledo sa menm gouvermman zot pou dikte gouvernman lo ki fason pour partaz later ki’n konble lo Praslin. Proverb i dir ki lalang i kapab vin nou prop lasomwar, e nou war kimanyer sa i aplikab pour lDS sirtou Wavel.
La i oule komite pour later Marie Jeanne Estate. Be eski sa komite ki i pou ansarz pou pey li larzan parey lezot komite Lasanble ? I pas son letan zis i rod komite. Seselwa ki’n vote pour met sa bann kalite dimoun dan nou Lasanble ozordi dwatet pe fer sema fot, me granmersi pa zanmen tro tar pour koriz sa fot.
Sa Prezidan Michel ki zot in vot kont li lannen pase, en zour zot pou mazin li. Erezman pour zot in donn zot Prezidan Faure, ki kontiny sa travay pour entegre prensip Parti Lepep dan gouvernman, e pran swen ek lepep Seselwa. Lepep san sa parti, nou fouti pour vre.

Mersi,
Madanm Gendron

Menu