Home_Right

Susbscribe to People

Siporter in ganny anbete

LDS in swadizan fer son rali. Me eski ti en rali LDS? Ti pre pour pa war paviyon LDS pe flote. Ti annan plis paviyon Brezil ek paviyon ver SNP. Ladanmenm Father in donn lanmen sante a otvwa ki zot pa pou les tonbe. SNP in anval LDS.
Savedir dan Lasanble pa azanda LDS ki pe ganny enplimante me azanda SNP. Sanmenm nou tann zot pe dir rann later, ziz dimoun, donn pansyon zot siporter ki Langleter eksetera. Father in toultan pase dan son tag ver ki bannla i apel ‘tag ton’. Dimans son semiz ti ver.
Wavel i en per ki donn lenpresyon ki i viv dan lafreyer, i abiy dan semiz ver, i dekor son lebra ek son tag ver, i oule tir Parti Lepep pour li vin fer nou per.

Lipokrizi i en vilen kouler lo Wavel

Dan zot papye LDS pe konplent pri dizef zwazo. Zot dir in ariv 5 roupi ki en lendikasyon ki pri lavi in monte. Zot o, Wavel Ramkalawan arete sa lipokrizi. I en vilen kouler lo ou. Komite zil i ankor la, mont Bird Island.
Ler wa desann wa dir SBC ki tou keksoz i korek akoz ou’n war pour ou menm. Zwazo pe ponn. Ou menm kapab konte e fer levanter pour ed IDC konnen ki kantite zwazo i annan. Wa war si lanmer i move la ki nou dan vann swet. Me nou konpran ki ou pe esey azir gayar. Me kanmenm dir, politik dizef zwazo?
Apre ki ou’n monte desann lo zil lo larzan lepep Seselwa?

Persekisyon

LDS ti anmenn en mosyon dan Lasanble pour kestyonn tou later Madanm Sarah René, sa apre ki Spiker Pillay in demisyonnen. Me olye aprezan les gouvernman repran oswa rediskit ek Madanm René, zot anmenn Minis Charlette pour zot kontinyen ensiste lo kes sa madanm.
Sa voyaz Wavel in brav pour li pa kasyet deryer Florry e demann son kestyon limenm. Nou pa pe enterfer ek zot travay, me ler ki zot in fini imilye en dimoun, pour zot war nesesite pour kontinyen abes li piblikman sirtou en madanm, i apel persekisyon. Ki Labib i dir lo persekisyon?
Konmdir Ton Pat, dan sa sitiasyon parey, anmenn en ekspert pour vin odit tou kont tou dimoun, enkli kont Lider Lopozisyon. I pa merit annan okenn rezervasyon ek sa, i pa sipoze annan nanryen pour kasyet. Dan Sesel pre pour annan Sen Wavel.

Vit ‘bullet proof’?

Sa portre pe sirkile lo medya sosyal. Zansla pe dir ki Lider Lopozisyon pe debout dan son prop rali ek son prop siporter par deryer en vit ‘bullet proof’. Konmdir Angle, is this for real? Eski zwer pe rod latansyon? Taler ya demann plis larzan pour plis sekirite. Nou war teat letan nou ankor vivan! Me  pa vre tousala. Par kont bullet proof or not, fodre note ki sa portre in bezwen ganny in tire par kelken lanmenm la obor li.

Gervais rod ou later an byen

Sa pti eleksyon ki in ganyen Mont Buxton in fer Gervais oubliye ki i kapab kit sa sit nenport ke ler. Me vi ki i ankor la, e si i pe rod en morso later, tya byen ki i rod li an byen e nonpa lo ledo Parti Lepep. I pa kapab sak fwa i ganny en sans i atak de morso later ki Parti Lepep koman en lorganizasyon prive i annan. Sanmenm ou rankin ek Parti Lepep?
Ler ou’n ganny en morso, les nou trankil al plant fler o tour ou lakaz ki ou kapab konstrir plizyer letaz akoz loportinite gouvernman i donnen. Me pa al lager balizaz ek ou nouvo vwazen, sirtou si en Lepep.

Akoz Jean-Francois i oule blok Nelda ? Ki sa lobsesyon?

Jean-Francois, eski later Nelda pour ed zabitan Mont Fleuri ek zot problenm later ek lakaz? 10 an sa ansyen kandida in fer laplikasyon pour en morso later pour li sorti dan en flat ki tro pti pour son fanmir. I fer 2zyenm fwa ki Jean-Francois i war nesesite lev sa dan Lasanble.
Me sey dir nou ki zot problenm ek fanm? Si oule en morso tat ou lasans demande.  Demann DA pour ou fer ou laplikasyon. Wa ganny en morso dan Kan Trobruk. Wa krwar Nelda i en pikir lo f…

Liber ou lekor

Afif ou konn detay akfer ou demann kestyon? Zis pour ou nonm non Mukesh ek Prezidan Michel. Si ou ti bezwen plis leksplikasyon, sa endividi ki ou’n nonm non ki Msye Valabhji in aste later avek, ti paran zami e konesans ou bon dalon dan LDS.
Ya menm konsey ou ki ou merit fer desann ou laenn, ya trangle ou. Ou pe rod later Espace. Eski ou annan zis en kare later? Wi ou non, mazinen ki lavi i ennmenm. Viv li byen. Viv li san ki ou merit o sant latraksyon. Sa direksyon ki ou’n pran pa pou anmenn ou okenn par. Ni en pos minis ou pa pou ganyen ek LDS. Pa les ou vin enn parmi bann ki lopozisyon in zis servi. Anpese abes ou limaz. I pa zanmen tro tar pour ou reflesir e sanz sa direksyon. Sirtou ki zwer i dir ou pros ek li akoz ou son ‘calculator.’

Tro bokou labi dan tretman aletranze

Jean-Francois i nobou dir ki i annan tro bokou labi dan tretman aletranze. Ah wi, sa zonm. Se Seselwa ki al trete aletranze. Dapre nou prensip dan Lasante sa i osi enn son drwa si i merite. Eski sa i vedir si LDS i vin opouvwar, Seselwa pou pey lasante ? E pou napa okenn Seselwa ki pou al trete aletranze eksepte sa ki kapab peye? Fini war risar pou  anndan e mizerab pou retourn anba lavarang lopital.

Kestyon pour en sanpyon

Zot dir nenport kwa lo bann zofisye Parti Lepep. Zot fer tou kalite alegasyon konmsi nou bann pli move dimoun. Nou pa sitan malis dan sa zournal me selman piblik in demann nou pour demann sa kesyon : Lekel sa politisyen LDS ki ti abiz en zanfan anba laz ? Eski sa i byen. Sa zanfan ti annan selman 13 an. Nou poz sa la.

Comments

Post comment as a guest

0

Comments

  • No comments found
Menu