PeopleReneBanner2 Home_Right

Susbscribe to People

Lalit pour byennet nou pep, i en lalit ki eternel. I en lalit ki pa pou aret zanmen. Lannen apre lannen nou bezwen rod boner nou pep e en meyer lavi pour nouvo zenerasyon. Se sa vre revolisyon.

 

En lalit san ses pour amelyor nou menm. Nou pa zis ganny pli bon manze, pli bon lekol, pli bon lopital ensidswit – tousala i enportan, me pli enportan ankor se ki noumenm nou vin pli bon. Setadir nou montre bokou plis lanmour anver nou prosen. Nou vin pli sosyab. Nou kontribye plis anver nou sosyete. Nou tou alor nou annan en fason pour fer mye dan nou lavi – sa lespri amelyor tou keksoz noumenm se sa revolisyon.
Larevolisyon set en resers kontinyel san ses pour nou amelyor noumenm, e atraver nou sa sosyete ki nou viv ladan. Se pourkwa ki nou merit fer analiz pour vwar ki progre nou’n fer e ki difikilte nou’n ganyen dan nou semen.
Nou pase i enportan parske tro souvan- set an regardan lepase ki nou kapab trouve e apresye e ki nou kapab fer ankor pli byen.
Bann ki’n ganny konfye devwar fer marse sosyete zot bezwwen osi fer legzanmen de konsyans- nou tou lo later nou enparfe. Sa i aplik pour nou tou ki annan en responsabilite- ki swa ou prezidan, minis, en sef dan Gouvernman, en tyermenn brans, en manm Lasanble eksetera.
Annou vwar ki nou’n fer e ki nou pankor fer- pour en pti zanfan ziska en vyeyar. Nou responsabilite i pour pran swen ek lezot.

 

 

Comments

Post comment as a guest

0

Comments

  • No comments found
Menu