Home_Right determinen-banner2

Susbscribe to People

Wavel koup tou.

Zansla anba laboutik ovan i dir nepli annan Dezire koup tou, konmela i annan Wavel koup tou. Zis i koup larzan Lepep. Selman personn pa koup tou pour li.

LDS i dir fer fermal pos zot paran.

Sandy Arrisol ek Jean Francois Ferrari i’n dir fodre fer adikt peye pour zot tretman. Pa bokou letan pase, serten sa bann MNA pa ti dan en lanplwa. I annan ki ti pe fer taksi pirat, parey Loizeau ti dir. Me la ozordi ki zot pe rekolte 31 mil roupi par mwan larzan taks Seselwa, zot larogans i fer zot vir lo bann zenn ki viktim bann trafiker e dilerz pour dir ki sa bann zenn pe zis benefisye ek larzan taks- fer zot peye.
E par zot i vedir fer zot paran peye. Ferrari i dir “fer fermal dan pos zot paran. » Zonm dan lopilans i oubliy son nesans. I annan zot ki bliye ki zot ti al an kour pour al siport zot dalon ki ti pe zize lo sarz drog. I annan ti mont prizon pour al vizit dalon. Ek sa lalititd zis fer zot peye, zot aspire vin  opouvwar.

La anndan i annan de nou ki adikt.

Gervais pe servi son laservel pour esey pas pour en bon malen. I fer en statement « la anndan i annan de nou ki adikt ». Nou konpran i ti pe esey enterpret en sitiasyon an servan kalkilasyon en gran matematisyen, me son statement i tre enteresan. Lo ki kote ki i vire pour war sa de adikt?

Wavel i pil lo larzan reabilitasyon labi sibstans, ankor en fwa.

Eski i vreman en kestyon les progranm marse avan nou aprouv larzan oswa son laenn kont Dokter Herminie swivan son defet eleksyon lannen pase ? Liber ou nanm ek ou leker Father. Ou pa kapab lannen ale, lannen vini, mars ek sa lespri vanzans. Eski ou pe realize ki ou pa pe fer okenn zanmi ek sa Lasanble?
Les sa lazans dil ek sa bann adikt ki a koup lo vole ek lezot krim dan nou kominote. Ou pa en viktim parey Bernard Georges alor ou pa konn sa soufrans. Arete kontan azir gro lebra. Lannen pase pa premye fwa ki ou ti ganny bate dan eleksyon. Ou’n kas rikord e i pa merit afekte ou sa kantite. Zet laenn e fer antre lanmour.

Warning Meteo.

Nou’n ganny warning sorti kot dezyenm stasyon meteo; Lasanble Nasyonal. Zot pe predik lanez Sesel byento avek zot nouvo vokabiler ‘freeze’ ki pe arive toulezour ek bidze lepep dan Lasanble. Seselwa konmans prepar zot lenz lafreser.

Flori, les manrmay aprann.

Sa fanm i kapab movi. La i oule manrmay al party ek sa boug ki zot ti glorifye ek sa sanson pil lo li. Ki sa, kanpanny pour lalyans ?

Nouvel ti mont dan tren.

Ki Simon in fer Ton Pat ? Nanryen. Parey i ti lib pour eksprim li ek son bord kot lorloz, Simon ti lib pour eksprim li dan reef hotel. Tou fason, nou konnen ki tren ki ti anmenn nouvel Port Glaud. Pa ti kapab pran tata pour pran tro bokou letan, nouvel tya fre.

Ki problenm LDS ek bann Morin ?

LDS i pil lo Jerry Morin akoz son pos ‘trade attache’ ek son paspor diplomatik. La zot pil lo bidze labatwar ki ganny okipe par en lot Morin. Eski LDS i annan en problenm ek lafanmiy Morin dan Sesel ?

Mugabe in sorti, Jean Francois ava al plant bannan.

Jean-Francois ti oule al plant bannann Zimbabwe. La ki Mugabe i’n sorti, ya kapab ale, sirtou apre ki in dir sa manda son dernyen dan Lasanble. Wa dir i pe koz bon labous Lasanble pour prepar pour son pos Minis Zafer Etranzer ? Tou fason ya mont Zimbabwe.

Comments

Post comment as a guest

0

Comments

  • No comments found
Menu