Home_Right LANAONS-BANNER

Susbscribe to People

Ti avek latristes ki Parti Lepep ti aprann  lanmor Rosemonde Reine. Parti i onor sa militan eksepsyonnel. I kit deryer son msye, John Reine ki bokou dimoun i rapel li dan vilaz NYS.

 

En zabitan Port Glaud, Rosmonde Reine i’n toultan en aktivis Parti Lepep. I ti’n marye ek John pour 58 an. Madanm Reine ti deza rakont ‘The People’ ki depi Kenya i ti tande ki SPUP in formen e ki deswit zot ti donn zot sipor.
I ti dir nou ki Msye France Albert René ti batir sa sosyete Seselwa baze lo legalite dan loportinite, in retir lenzistis, konmans devlopman ki apre son sikseser Msye James Michel in kontinyen ziska la. I ti dir ki Msye Michel in fer en travay remarkab pour Sesel.
An Desanm 2015, sa koup ti vin piblik pour donn zot sipor e ankouraz Seselwa pour vot pour Msye Michel.
Madanm Reine in kontribye dan Parti o nivo distrik pour bokou letan. Menm apre ki zot pa’n kapab partisip otan, sa koup ti priye, e kontinyen priye pour sa parti kontinyen fer laviktwar.
Madanm Reine in malad bokou tou dernyenman. Me in ganny sipor son zanfan. Nou mazin Priscilla Reine.
Rosemonde i kit John deryer me li osi lasante pa tro bon. Me avek kouraz e lapriyer son fanmir, ya kapab sirmont sa latristes.
Parti Lepep i senpatiz avek lafanmir, zanmi e zabitan Port Glaud. Set en kominote ki an dey. Kontribisyon e sipor Madanm Reine pou reste pour touzour.

 

 

Menu